МАН-ын Хяналтын хороо УИХ-ын гишүүн Н.Номтойбаярыг намаасаа "хөөжээ"
МАН-ын Хяналтын ерөнхий хороо хуралдаж УИХ-ын гишүүн Н.Номтойбаярын асуудлыг хэлэлцжээ. Ингээд УИХ-ын гишүүн Н.Номтойбаярыг “олон нийтийн газар биеэ зүй, зохистой авч яваагүй, удаа дараа зодоон цохион хийсэн нь намын болон намын гишүүдийн нэр хүндэд сөрөг нөлөө үзүүлсэн” гэж үзээд намаас гарсанд тооцжээ.
МАН-ын хяналтын ерөнхий хороо нийт 14 гишүүнтэй бөгөөд бүрэн бүрэлдэхүүнээрээ хуралдаж дээрх шийдвэр гаргасныг МАН-ын Хяналтын ерөнхий хороон дарга Д.Батбаатар мэдээллээ.
УИХ-ын гишүүн Н.Номтобаяраас гадна өмнө нь ИТХ-ын тэргүүлэгч гишүүн С.Мөнхчулуун, ИТХ-ын дарга асан Ц.Сандуй гэх мэт хэд хэдэн гишүүдээ намаасаа “хөөж” байсан удаадтай. Гэхдээ намаас гарсан гишүүд гишүүнчлэлээ эргүүлж сэргээх боломжтой байдаг ажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.