Эрүүл мэндийн сайд асан Г.Шийлэгдамба таалал төгсчээ
МАХН-ын Ерөнхий нарийн бичгийн дарга асан, Байгаль орчин, аялал жуулчлалын сайд, Эрүүл мэндийн сайдаар асан Г.Шийлэгдамба таалал төгсчээ.
Тэрээр 2012 оны есдүгээр сард МАХН-ын Ерөнхий нарийн бичгийн дарга, 2014 оноос Эрүүл мэндийн сайдаар ажиллаж байгаад 2015 оны 11 дүгээр сарын 4-нд бусдаас хээл хахууль авсан хэргээр АТГ-т шалгагдсан байдаг.
Улмаар Улсын Дээд шүүх 2018 оны хоёрдугаар сард хэргийг эцэслэн шийдэж Г.Шийлэгдамбад оногдуулсан ялыг нийтийн албанд томилогдох эрхийг 4 жил хасч, 4 жил 6 сар хорих болгон өөрчилж шийдвэрлэсэн. Тус зүйлчлэл өршөөлийн хуульд хамрагдаж, тэрээр 2 сар хоригдоод гарч байсан юм. Хоригдож байх хугацаандаа хүнд өвчтэй гэнсэн онош батлагдсан тухай мэдээлж байсан билээ. Тэгвэл ийнхүү 50 насандаа таалал төгсчээ.
Сайд асан Г.Шийлэгдамба1971 онд Өвөрхангай аймагт төрсөн. Нутаг, усныхаа тухай “Шүтээн” нэртэй ном бичсэн. 2007 онд МАХН-аас Байгаль орчин, аялал жуулчлалын сайдаар нэг жилийн хугацаатай ажилласан. Анх 1997 онд МАХН-д элсч, аймгийнхаа МАХН-ын даргаар ажиллаж байжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.