“ЗАМЫН ХӨДӨЛГӨӨНИЙ ЦАГААН ТОЛГОЙ” ТЭМЦЭЭНД 29 ДҮГЭЭР ЦЭЦЭРЛЭГИЙН БАГАЧУУД ТҮРҮҮЛЛЭЭ
/2026.05.28/ Хан-Уул дүүргийн ГХУССЗ-ийн ажлын албанаас Хан-Уул дүүргийн Замын цагдаагийн хэлтэс болон бусад чиг үүргийн байгууллагуудтайгаа хамтран дүүргийн төрийн өмчит 26 цэцэрлэгийн хүүхэд багчуудын дунд хүүхдүүдийг зам тээврийн ослоос урьдчилан сэргийлэх, замын хөдөлгөөнд оролцох зөв дадалд сургах, хэрхэн аюулгүй байдлаа хангах талаар эрх зүйн мэдлэг олгох, эцэг эх, асран хамгаалагч нарын үүрэг хариуцлагыг сайжруулах зорилго бүхий “Замын хөдөлгөөний цагаан толгой” тэмцээнийг амжилттай зохион байгууллаа.
Тус тэмцээнд 26 цэцэрлэгийн 350 хүүхэд, 100 гаруй эцэг эхийн төлөөлөл болон 50 гаруй багш, сурган хүмүүжүүлэгч нар ороцож, “Мэндчилгээ”, “Гэрийн даалгавар”, “Шилдэг зохицуулагч”, “Буухиа тэмцээн”, “Асуулт хариулт” гэсэн төрлөөр өрсөлдөж, шилдгүүдээ тодрууллаа.
Тэмцээний нийлбэр оноогоор тэргүүн байранд 29 дүгээр цэцэрлэгийн баг шалгарсан бол дэд байрт 218 дугаар цэцэрлэг, гуравдугаар байрт 67 дугаар цэцэрлэг, тусгай байрт 336 дугаар цэцэрлэгийн баг тус тус шалгарлаа.
Оролцсон нийт хүүхдүүдээ баяр хүргэж, амжилт хүсье.

No photo description available.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.