2024 онд Улаанбаатар хотын төсвийн алдагдал 1,2 тэрбум байсан бол 2025 оны жилийн эцсийн бодит алдагдал 700 тэрбум төгрөг байна
Улаанбаатар хотын төсвийн хяналтын сонсголыг УИХ-ын Төсвийн байнгын хороон дээр зохион байгуулж байна. Уг сонголоор Улаанбаатар хот 2024 онд төсвөө 4 удаа тодотгосон бөгөөд төсвийн алдагдал нэмэгдсэнийг онцоллоо.
Тухайлбал, 2024 онд Улаанбаатар хотын төсвийн алдагдал 1,2 тэрбум байсан бол 2025 оны жилийн эцсийн бодит алдагдал 700 тэрбум төгрөг байна.
НИЙСЛЭЛИЙН МЕГА ТӨСЛҮҮДИЙН ТӨСВИЙН ГҮЙЦЭТГЭЛ, ЭДИЙН ЗАСАГ,
САНХҮҮГИЙН ШИНЖИЛГЭЭНД ХИЙСЭН ДҮГНЭЛТ:
-Санхүүжилтийн эх үүсвэрүүдийг бүрэн гүйцэд шийдвэрлээгүйгээс мега төслүүд хугацаа хойшлох, өртөг хэтрэх, гадаад зээлийн ашиглалт муудах, зээл төлөхөд бэрхшээл үүсэх сөрөг нөлөөтэй.
-2026 онд 16 төслийн төсөвт өртгийн 22.3% (6.4 их наяд ₮) зарцуулахаар төлөвлөснөөс одоогоор ердөө 0.8%-ийг нь зарцуулсан байна.
-Метро, LRT, BRT, дүүжин тээвэр, хурдны зам зэрэг ижил чиглэлийн төслүүдийн нийлмэл нөлөөлөл, эдийн засгийн бодит өгөөжийг ТЭЗҮ-д дурдсан шиг байж чадах эсэхийг харгалзаж үзээгүй.
-Эдийн засгийн шинжилгээнд байгаль орчны сөрөг нөлөөллийг зардал болгон тооцоогүй тул Туул хурдны зам зэрэг төслүүдийн өгөөжийн тооцоо хэт өөдрөг (хиймэл) гарсан байх магадлалтай.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.