28, 29-нд ихэнх нутгаар дулаарч, цаг агаар тогтуун байна

Малчид, иргэд, тээвэрчдийн анхааралд: Өнөөдөр болон маргааш ихэнх нутгаар цаг агаар тогтуун, дулаан байх тул орон нутгийн зам даваа болон аялал, зугаалгын хөдөлгөөнд таатай нөхцөл бүрдэхийг ЦУОШГ-аас мэдээллээ.

2026 оны тавдугаар сарын 28-ны 08:00-20:00 цагийн урьдчилсан мэдээгээр нутгийн зүүн хэсгээр солигдмол үүлтэй, бусад нутгаар багавтар үүлтэй байх бөгөөд нийт нутгаар бороо орохгүй. Салхи ихэнх нутгаар баруунаас секундэд 5-10 метр хүрч салхилна.

Ихэнх нутгаар дулаарч: Алтай, Хангай, Хэнтийн уулархаг нутаг, Завхан, Заг-Байдраг голын эх, Туул, Тэрэлж, Хэрлэн голын хөндийгөөр +18…+23 градус, Их нууруудын хотгор, Алтайн өвөр говь, Орхон, Сэлэнгэ, Хараа голын хөндийгөөр +27…+32 градус, Бусад нутгаар +22…+27 градус дулаан байна.

Улаанбаатар орчимд: Багавтар үүлтэй, бороо орохгүй. Салхи баруунаас секундэд 4-9 метр. Өчигдрөөс дулаарч +21…+23 градус хүрнэ. Багануур орчимд: Өдөртөө багавтар үүлтэй, бороо орохгүй. Салхи баруунаас секундэд 5-10 метр. +21…+23 градус дулаан байна.

Тэрэлж орчимд: Багавтар үүлтэй, бороо орохгүй. Салхи баруунаас секундэд 3-8 метр. +19…+21 градус дулаан байна. Өглөөний 05:00 цагийн байдлаар Улаанбаатар хотод +4 градус дулаан, агаарын харьцангуй чийг 73 хувь, агаарын даралт 873 гектопаскаль байжээ. Эх сурвалж: ЦУОШГ, Урьдчилан мэдээлэх хэлтэс