“Улаанбаатар марафон-2026” гарааны цагийн хуваарьт өөрчлөлт орууллаа

 “Улаанбаатар марафон-2026” олон улсын гүйлтийн тэмцээн энэ сарын 23-нд нийслэл хотод зохион байгуулагдана.

Энэ жилийн марафонд 46 мянга гаруй иргэн бүртгүүлсэн нь өнгөрсөн оны оролцогчдын тооноос хоёр дахин өссөн үзүүлэлт болжээ. Оролцогчдын тоо эрс нэмэгдсэнтэй холбоотойгоор зохион байгуулагчид гүйгчдийн урсгал, аюулгүй байдал болон замын хөдөлгөөний зохицуулалтыг сайжруулах үүднээс төрөл тус бүрийн гарааны цагийг шинэчлэн баталсан байна.

Тодруулбал, 42.195 км-ийн бүтэн марафон өглөөний 07:00 цагт Соёлын төв өргөөний баруун талаас эхлэх бол 21.095 км-ийн хагас марафон болон 10 км-ийн ангиллын гараа 08:30 цагт эхэлнэ. Харин эрүүл мэндийн 5 км-ийн гүйлт 13:00 цагт МУИС-ийн урдаас гарах бөгөөд 1.5 км-ийн гэр бүлийн ангилал 15:00 цагт эхлэхээр товложээ. Мөн хөгжлийн бэрхшээлтэй иргэдийн ангилал болох тэргэнцэртэй болон харааны бэрхшээлтэй оролцогчдын 1.5 км-ийн төрөл 15:30 цагт МУИС-ийн урдаас гараагаа авах юм. Тусгай олимпын 800 метрийн төрөл 16:00 цагт Спортын төв ордны орчмоос, 500 метрийн төрөл 16:10 цагт Улаанбаатар зочид буудлын харалдаа замаас эхлэхээр төлөвлөсөн байна.

Зохион байгуулагчдын зүгээс оролцогчдыг гарааны бүсэд 30-60 минутын өмнө ирж, энгэрийн дугаар болон чипний мэдээллээ урьдчилан шалгахыг зөвлөжээ.

Марафоны маршрут, гарааны бүс болон зохион байгуулалтын талаарх дэлгэрэнгүй мэдээллийг  https://ulaanbaatar.marathon.mn/?utm_source=chatgpt.com сайтаас авах боломжтой.