Цаг агаарын аюултай үзэгдлээс сэрэмжлүүлж байна
Цаг уур орчны шинжилгээний газраас цаг агаарын аюултай үзэгдлээс сэрэмжлүүллээ.
Хүчтэй салхи: Энэ сарын 17-18-нд шилжих шөнө Ховд, Баян-Өлгийн хойд, Увсын өмнөд хэсгээр, 18-ны өдөр Ховдын хойд болон зүүн, Увс, Булганы өмнөд, Архангайн зүүн, Төв аймгийн баруун болон өмнөд, Говь-Алтай, Баянхонгор, Өвөрхангай, Дундговь, Өмнөговийн нутгаар салхи секундэд 18-20 метр, зарим үед секундэд 24 метрийг давж ширүүснэ.
Шороон шуурга: Энэ сарын 18-ны өдөр Өвөрхангай, Өмнөговийн нутаг, Төв болон Дундговийн баруун хэсгээр шороон шуурга шуурна.
Цасан шуурга: Энэ сарын 18-ны өдөр Увсын зүүн, Завханы хойд хэсгээр цасан шуурга шуурна.
Иймд иргэд та бүхнийг хүчтэй салхи, шороон болон цасан шуурганы үед дараах арга хэмжээг хэрэгжүүлж, аюулгүй байдлаа хангахыг анхааруулж байна. Үүнд:
- Төөрөх, осгохоос сэргийлж, нөмөр газар бараадах
- Салхинд хийсэж болзошгүй эд зүйлсээ сайтар бэхлэх
- Орон байр, байшин, гэрийн хаалга, цонхыг найдвартай хаах
- Хүүхдүүдээ асран хамгаалагчтай үлдээх
- Цаг агаарын сэрэмжлүүлгийг тогтмол сонсож, урьдчилан сэргийлэх арга хэмжээг хэрэгжүүлэх
- Цаг уурын байгууллагаас гаргаж буй цаг агаарын урьдчилсан мэдээг тогтмол хүлээн авч зөвлөмжийг дагах.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.