“Youth Council Summit 2026” арга хэмжээ “Төлөөлье, цэгцэлье, чөлөөлье” уриатай эхэллээ
Залуу төлөөлөгчдийн “Youth Council Summit 2026” арга хэмжээ “Төлөөлье, цэгцэлье, чөлөөлье” уриатай Тусгаар тогтнолын ордонд өнөөдөр /2026.03.28/ эхэллээ.
Монгол Ардын намын дэргэдэх Социал Демократ Монголын Залуучуудын Холбооноос зохион байгуулж буй энэхүү арга хэмжээнд 750 гаруй залуу төлөөлөгч оролцож байгаа бөгөөд Фридрих-Эбертийн сан дэмжин ажиллаж байна.
Социал демократ Монголын Залуучуудын Холбооны Ерөнхийлөгч, намын Нарийн бичгийн дарга Б.Пүрэвдагва болон тус холбооны Ерөнхий нарийн бичгийн дарга Б.Галсан нар “Youth Council Summit 2026” арга хэмжээний төлөөлөгчдөө угтан авлаа.
Энэхүү арга хэмжээний хүндэт зочдоор Монгол Ардын намын дарга, УИХ-ын дарга Н.Учрал, Монгол Ардын намын Ерөнхий Нарийн Бичгийн дарга Я.Содбаатар, Монгол Улсын 34 дэх Ерөнхий сайд Г.Занданшатар, УИХ-ын гишүүн, Засгийн газрын Хэрэг эрхлэх газрын дарга С.Бямбацогт нар оролцоно. Мөн зочин илтгэгчээр Цахим хөгжил, инновац, харилцаа холбооны дэд сайд Г.Баярхүү, Сангийн дэд сайд Б.Хулан нарын төлөөлөл оролцох юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.