УНТЭ-ийн дарга нарын халаа сэлгээнээс үүдэн үйл ажиллагаа нь доголдож, эмнэлгийн хэрэгсэл тасалдаж байна
Улсын Нэгдүгээр Төв Эмнэлэг(УНТЭ)-ийн удирдлага энэ сарын эхээр хэд хэдэн удаа солигдсон. Үүнээс үүдэн эмнэлгийн хэвийн үйл ажиллагаа доголдож, эмнэлгийн хэрэгсэл тасалдаж эхэлсэн талаар эмч, ажилчид мэдээлэл хийлээ.
Тус эмнэлэг нь амбулаториор өдөрт 1,200 гаруй хүнд үзлэг оношилгоо хийж, 24 цагаар тасралтгүй тусламж үйлчилгээг үзүүлж, хоногт 60 гаруй өндөр түвшний мэс засал хийдэг лавлагаа шатлалын томоохон эмнэлэг юм. Гэтэл эрүүл мэндийн 20 гаруй төрлийн лавлагаа тусламж үзүүлдэг уг эмнэлэг нь богино хугацааны удирдлагын халаа сэлгээ, хэт улстөржилтөөс болж хэвийн үйл ажиллагаагаа явуулах боломж хомс байгааг УНТЭ-ийн Эмнэлзүй эрхэлсэн дэд захирал М.Адилсайхан хэвлэлийн хурлын эхэнд онцоллоо.
УНТЭ-ийн Эрчимт эмчилгээний тасгийн зөвлөх эмч Ц.Ганбат:
-Эрчимт эмчилгээний тасаг 24 ортой ажиллах байх ёстой ч 12 ортойгоор ажиллаж байна. Нэгдүгээр давхарт байрладаг 12 ортой эрчимт эмчилгээний тасаг засварт ороод найман сар өнгөрсөн. Гэвч ажиллаж байсан компаниуд нь ажлаа бүрэн дуусгаагүй, хүлээж авах боломжгүй байсаар байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.