"Шил ажиллагаа"-ны тайлан, мэдээлэл оруулах сургалтад хамрагдлаа
Төрийн байгууллага хоорондын хамтын ажиллагааг бэхжүүлэх хүрээнд Төрийн цахим үйлчилгээний зохицуулалтын газартай хамтран “Шил ажиллагаа”-ны тайлан, мэдээлэл оруулах талаарх сургалтад нээлттэй мэдээллийн системийг хариуцан ажилладаг холбогдох албан хаагчдыг хамруулж, шаардлагатай мэдээ, мэдээллийг авлаа.
Сургалтын зорилго нь Нийтийн мэдээллийн ил тод байдлыг хангах тухай хуулийн хэрэгжилтийг сайжруулах, төрийн байгууллагын үйл ажиллагааны ил тод байдлыг хангах, “Шил ажиллагаа”-ны эрх зүйн орчинтой танилцуулах, мөн shilen.gov.mn цахим хуудсанд улирал, хагас жилийн тайлан, мэдээллийг оруулах, шинэчлэхтэй холбоотой мэдлэг, арга зүйг олгох явдал байв.
Сургалтад оролцогчид “Шил ажиллагаа”-ны тайлан, мэдээллийг цаг тухайд нь ил тод байршуулснаар иргэдийн мэдээлэл авах эрхийг хангах, төрийн байгууллагын ил тод байдал, хариуцлагыг нэмэгдүүлэхэд чухал ач холбогдолтой болохыг онцоллоо.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.