7 сарын зайтай эцэг эхээ зуурдаар алдсан 2-12 насны таван хүүхэд эмээтэйгээ өнчирч үлджээ

[su_quote]Аав ээжээсээ өнчирч хоцорсон 5 хүүхэдтэй бид уулзлаа. [/su_quote]

Бичлэг үзэх:

Эмээ Алтанцэцэг:

-Би энэ 5 хүүхдийн аавынх нь ээж нь байна. Манай хүү барилгын ажил хийдэг байсан. Нас барахаасаа өмнө Өмнөговь явж ирээд энд 10-аад хоносон. Тэр хооронд бөөр нь өвдөөд байсан. Тэрнээс болоод л ийм зүйл боллоо.

Хүүхдүүдийн ээжийн хувьд зүрх нь өвддөг байсан. Нэг өдөр унтаад  сэрээгүй...

Ажил явдал ингээд дуусаж байна. Хамгийн гол нь энэ 5 хүүхдийг л бодож байна. Хорооныхон ирсэн. Энэ долоо хоногоос энэ хүүхдүүдийг хэн нь авах вэ гэдэг асуудлыг ярина гэсэн. Нагац эмээ нь бас байдаг юм. Би өөрөө ажилгүй одоогоор энэ хэдийгээ л харж байна.

Хоол унд гээд асуудалтай л байна. Би хүүхдүүдээ өөр дээрээ л байлгана гэж бодож байна. Хүүхдүүдийн насны хувьд 2-13 насны хүүхдүүд байна. Хамгийн бага нь охин, 4 нь хүү. Хоёр бага нь цэцэрлэгт явж байгаа, гурван том нь сургуульд орсон.

Ард иргэдээсээ хүүхдүүдэд маань тусламж үзүүлж хандив өргөөсэй л гэж гуйж байна.

Том хүү:

Ээж маань зүрх нь хааяа өвддөг байсан. Унтаад  сэрээгүй... Аав маань бие нь жаахан өвддөг байсан. Дүү нараасаа л салчихгүй баймаар байна.

Хандивын аян эхлүүлсэн Ж.Галбадрах:

-Өнгөрсөн долоо хоногийн 5 дахь өдөр Нармандах лам надтай холбогдсон. 5 хүүхэд эмээтэйгээ өнчирч хоцорлоо, хандивын аян зарлаад өгөөч гээд би ч буяны өмнө үгүй гэж чадахгүй шүү дээ гэдэ л хандив эхлүүлсэн.

Хагас сайн өдөр нөхцөл байдалтай ирж танилцахад үнэхээр хүнд нөхцөл байдалтай байсан. Тэгээд өөрийн фэйсбүүк хаяг дээрээ хандивын аян зарласан. Шинээр хандивын данс нээсэн байгаа тус данснаас нэг ч төгрөгийн зарлага гарахгүй юм.

Элэг нэгт ахан дүүс минь энэ 5 хүүхдийг орох оронтой болгох аянд нэгдээрэй. Монголчууд эвтэй байхдаа хүчтэй.

Хандивын данс: Хаан банк Алтанцэцэг /эмээ/ 15000500 5313497455