Эргэлт.мн сайтын хамт олон "Сүүлчийн нүүдэлчид" хөрөг номын нээлтээ Унгар Улсын Будапешт хотод хийжээ
[su_quote]Эргэлт.мн сайтын хамт олон "Сүүлчийн нүүдэлчид" хөрөг номын нээлтээ Унгар Улсын Будапешт хотод нээсэн бол удахгүй Австри Улсад мөн нээх ажээ.[/su_quote]
Энэ талаар сэтгүүлч Д.Чанцалдулам:
-Номын нээлт сайхан боллоо. Халгиж, цалгисан мөрөөдлийнхөө үзүүрт хүрээд ирлээ, бид. Сайтын таван жилийн ойн төлөвлөгөөнд "Орчин цагийн нүүдэлчин монголчуудын ховор, сонин, содон, түүхт амьдралыг дэлхийн уншигчдад хүргэнэ" гэж тусгасан нь ийн байраа олж, "Сүүлчийн нүүдэлчид" хөрөг ном маань англи, монгол хэл дээр хэвлэгдэж, Европод нээлтээ хийлээ.
Уншигчид уулга алдаж, баярлан хөөрч, бахархан догдолж, бидэнд энэ бүтээлийг "төрүүлсэн"-д дахин, дахин талархаж байсныг нь бодохоор зүрх одоо ч хэмнэлээ "олохгүй" байна.
Зочдын хэлсэн сайхан, сайхан үгсээс хамгийн тод үлдсэн нь Өтвөш Лорандын их сургуулийн Монгол ба Төв Ази судлалын тэнхимийн эрхлэгч, доктор, профессор Бирталан Агнеш багшийнх байлаа.
Тэрбээр, "Монголыг сонирхогч төдийгүй судлагч биднийг танай ном эрхгүй татаж, гүн гүнзгий судлах, эрэн хайх хүсэлд автуулж байна. Та бүхэн энэ номоо Унгар хэл дээр хэвлүүлж, Унгарын уншигчдад үнэтэй хувь нэмэр оруулаасай гэж хүсэж байна" гэсэн юм.
Энд хүрэх зам дардан байгаагүй ээ. Уран бүтээлийн төлөө шунан дурлаж, илүү сайхан ирээдүйн төлөө зүтгэсэн зүтгэл бүхэн минь дэлхийд гарах гүүр, итгэл болж байна аа.
Номын нээлтэд хүрэлцэн ирсэн эрхэм зочид, хүндэт төлөөлөгчид, Унгар Улсад суугаа монголчууд, монголд хайртай европын уншигч та бүхэнд чин сэтгэлийн талархал илэрхийлье.
Дараагийн хот Австри....
Баярлалаа, будант Будапешт
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.