Г.Занданшатар: Бүх зүйлийг хувьчилснаар асуудал шууд цэгцрэхгүй
[su_quote]"Монгол Улсыг 2026-2030 онд хөгжүүлэх таван жилийн үндсэн чиглэлийг батлах тухай" УИХ-ын тогтоолын төслийг хэлэлцэж байна. Ерөнхий сайд Г.Занданшатар гишүүдийн асуултад хариулж байна.[/su_quote]
Асуулт-Хариулт:
Ц.Мөнхтуяа: Дунд ангийн сурагчид 18 хичээл үзэж байна. Олон хичээл үзэх нь боловсролтой хүнийг бэлтгэх оновчтой бодлого мөн үү? Үндсэн чиглэлд боловсролын салбарыг хөгжүүлэх ямар бодлого тусгасан бэ?
Г.Занданшатар: Боловсролын салбарт ДНБ-ий 5,2 хувийг зарцуулдаг. Боловсролын салбарын хөрөнгө оруулалтыг нэмсэн. Хичээлийн тоог нэмэх, заах арга барилаас илүү суралцахуйн хувьсгал үр дүнтэй байна. Багш нарын цалинг үе шаттай нэмж, бусад бодлогоор ч боловсролын салбараа дэмжинэ.
О.Цогтгэрэл: УИХ асуудлыг шийдэх биш аргацаасан төсөв баталчихлаа. Тэгэхээр төлөвлөлтийн арга зүй чинь болж байна уу? Төлөвлөлтийн чадвар бидэнд байхгүй юм биш үү? Улс төр нь урдаа төлөвлөлт нь ардаа яваад байгаа нь зөв үү?
С.Бямбацогт: Ялсан нам бүр мөрийн хөтөлбөрөө хэрэгжүүлэх гэж явсаар төрийн бодлого алдагдсан. Энэ алдааг засах гэж ҮХНӨ 2019 онд хийсэн. Төлөвлөлт байхгүй бол хэрэгжилт байхгүй, хэрэгжихгүй бол хянаж чадахгүй.
Улсын бодлого улс төрч дээр, нам дээр тогтдог байж таарахгүй. Тиймээс энэ удаагийн Үндсэн чиглэл үүнийг өөрчилж байна. Үүн дээр тулгуурлаж 2028 онд намуудын мөрийн хөтөлбөр гарах ёстой.
О.Номинчимэг: ТӨХК-ийг үнэгүйдүүлж хувьчилдаг муу арга газар авсан. Тэгэхээр ТӨХК-уудыг ил тод хувьчлах тал дээр яаж ажиллах вэ?
Г.Занданшатар: Бүх зүйлийг хувьчилснаар асуудал шууд цэгцрэхгүй. Тэгэхээр бид өмнөх алдааг давтахгүй. Олон улсын жишгийн дагуу ТӨК-уудыг хувьчилна.
Ө.Шижир: Төр хөрөнгийн менежментээ яаж хийх вэ? ДНБ-ий 74 хувийг төр үйлдвэрлэж байна. Үндсэн чиглэл хэрэгжснээр ДНБ-ий хэдэн хувийг төр үйлдвэрлэдэг болох вэ?
Г.Занданшатар: 2030 онд хувийн хэвшлийн оролцоог 84 хувьд хүргэж нэмэхээр тусгасан. Хөнгөн, хүнд үйлдвэрүүдийг барьж байгуулж, төр нь биш хувийн хэвшил нь бүтээдэг, үйлдвэрлэдэг улс болох бодлогын талаар өнөөдөр бид хэлэлцэж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.