Л.Нямбаяр: "Эрдэнэс Монгол" компани тендер сонгон шалгаруулалтад оролцдоггүй
[su_quote]Тавантолгой-Гашуунсухайт чиглэлийн авто зам засвартай холбоотойгоор "Эрдэнэс Монгол" компанийн дэд бүтэц, ложистикийн группийн зохицуулагч Л.Нямбаяр тайлбар хийжээ.[/su_quote]
"Эрдэнэс Монгол" компанийн дэд бүтэц, ложистикийн группийн зохицуулагч Л.Нямбаяр:
-Тавантолгой-Гашуунсухайт чиглэлийн 239км авто замыг "Энержи ресурс" компани барьж дуусгаад, Засгийн газрын тогтоолын дагуу "Эрдэнэс Монгол" компанид шилжүүлж өгсөн.
Сүүлийн үед "Эрдэнэс Монгол" компанийг хамаарал бүхий компанидаа давуу байдал олгож, тендер өгдөг мэтээр ярьж байна. Гэвч "Эрдэнэс Монгол" компани тендерийн үйл ажиллагаанд огт оролцдоггүйг хариуцлагатайгаар хэлье!
2024 оны тендерийг хариуцагч нь "Гашуун сухайт автозам" компани байсан. "Эрдэнэс Монгол" компаниас ямар нэгэн төлөөлөл огт оролцоогүй.
2025 оны тендерийн үйл ажиллагааг Төрийн худалдан авах ажиллагааны газар руу шилжүүлсэн. Тус байгууллага холбогдох дүрэм, журмынхаа хүрээнд худалдан авалтаа зохион байгуулаад явсан.
Ер нь Тавантолгой- Гашуунсухайт автозам анх хийгдсэн ТЭЗҮ-ээрээ жилдээ 18 сая тонн нүүрс тээвэрлэх хүчин чадалтай. Өдөрт 850 автомашин тээвэрлэлт хийхээр төлөвлөсөн.
Өчигдрийн байдлаар 1391 тээврийн хэрэгсэл зорчсон байна. 2023 онд 36,5 сая тонн нүүрсийг тээвэрлэсэн. 2024 онд 38,9 сая тонн нүүрс тээвэрлэсэн. Даац хоёр дахин хэтэрсэн.
Анх ТЭЗҮ боловсруулахдаа дан чиргүүлтэй автомашин явахаар тооцолсон бол одоо дандаа давхар чиргүүлтэй авто машин явж байна. Өдрийн болон жилийн даац хэтэрсэн учир зам маш их эвдэрч байна. Үүнтэй холбоотойгоор зам засврын ажлыг хйиж байна.
2024 оны зам засварын тендерт 4 багц бөгөөд 1-р багц дээр "Нобль роауд", 2-р багц дээр "Үйлсийн зам" гэдэг компани, 3,4-р багц дээр "Мэндсуурь" гэдэг компани шалгараад зам засаад явж байна. Зам засварын ажлын хяналтыг "Брос проперти" гэх компани ажиллаж байна.
Зам засвар дээр Эрдэнэс "Монгол компани" гүйцэлтгэлийн баримт бичиг, зам засвар технологийн дагуу хийгдсэн үү, ажил бүрэн байна уу гэдэг дээр хяналт тавьж ажилладаг.
Энэ үүргийнхээ дагуу Гашуунсухайт авто зам засварын ажил технологийн дагуу хийгдээгүй, тоо хэмжээ зөрүүтэй, гүйцэтгэлийн баримт бичиг дутуу байгааг нь бид шалгаж тогтоогоод холбогдох газруудад хүргүүлсэн.
Сэтгэгдэл (3734)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.