Ахмад настан н.Мягмар: Тэтгэвэр бага, зээлтэй учраас гудамжинд чулуугаар мэргэлж мөнгө олдог

[su_quote]Автобусны буудал дээр 41 чулуугаар мэргэлдэг ахмад настан н.Мягмараас яриа авлаа. [/su_quote]

-Би Мягмар гэж хүн байна. Энд нэлээн хэдэн жил сууж байна. Тэтгэвэр хаанаа ч хүрдэггүй, зээлтэй. Зээлгүй хүн гэж байхгүй болсон. Зээлийн хугацаа дуусаагүй учраас өөрийнхөө чаддаг 41 чулуугаар мэргэ тавиад л сууж байна.

Их өвлийн хүйтэнд бол суухгүй. Угаасаа би чадахгүй. Их хүйтрэхээр утсаар үздэг. Тариф гэж бол байдаггүй юм. Хүний өгснийг л авдаг, хэдийг өгнө тэрийг нь аваад л сууж байдаг.

Дунджаар өдөрт дулааны үед 10,20-оод хүн үзүүлдэг байсан. Одоо бол 4,5 хүнээс хэтрэхгүй л байна. Хүмүүс хамгийн дээд талдаа 5 мянга төгрөг ер 1000,2000 төгрөг л өгдөг юм.

Тэтгэвэр1.1 сая төгрөг авдаг. Ач зээ нар гадаад явахаар болоод оюутан болоод тэд нартаа зээл авч өгөө л явуулсан даа. Хүнсний бүтээгдэхүүний үнэ маш өндөр болсон.  Мах, талхны үнэ их нэмэгдсэн. Энэ бүхэн нэмэгдэхээр хүний нуруун дээр хүндээр тусч байна.

Хүмүүсийн харилцаа ярих юмгүй сайн болсон. Одоо ингээ л даараад сууж байхад залуучууд та даарч байна уу гээд л халуун цай бариад ирдэг. Ер нь хүний харилцаа ухамсар  хамаагүй өөр болсон шүү. Хүний оюун ухааны хөгжил шал өөр болсон.

Миний энэ мэргэлж байгаа чулуу над дээр 7 дох үе дээрээ явна. Энэ чулууг өвгөн ааваасаа өвлөж авсан. Ээжийн аав ч чулуу татдаг байсан, аавын аав ч чулуу татдаг байсан хөгшчүүлээсээ л сурсан даа.

Бичлэг үзэх: