Сэтгүүлч Б.Цэвэгмид: "15 давхарынхан" дахин Л.Оюун-Эрдэнийг хамгийн хаан болгох зураг зуржээ

[su_quote]Newspress.mn сайтын эрхлэгч Б.Цэвэгмид улс төрийн өрнөлийн талаар бичжээ. [/su_quote]

Тэрээр, 

-Л.Оюун-Эрдэнэ Д.Амарбаясгалангаа хөсөр хаяхаар төлөвлөсөн байж болзошгүй байна.
15 давхарынхан дахин Л.Оюун-Эрдэнийг хамгийн хаан болгох зураг зурж, хуулийн хугацааг хуанлийн хуудас руу шилжүүлэн, их хурлын гишүүдийг өөрсдөөр нь харикири хийлгэх төлөвлөгөө гаргасан байж нэн болзошгүй байна.

Тэд МАН-ын Их хурлыг 11-р сарын 15-нд товлосон нь их учиртай аж. Одоо өрнөж буй үйл явдалуудыг хуулийн хугацаанд тохируулан хэлхэж, Д.Амарбаясгалан, Г.Занданшатар нарыг татаж унагаад дахин сонгууль явуулах төлөвлөгөө гаргажээ.

Яг үнэндээ 15 давхарынханд Д.Амарбаясгалан унасан ч хамаагүй, харин ч уначихаасай гээд алгаа үрж суугаа бололтой. Хуанлийн хуудсаар харья.

10-р сарын 7-ны өдөр УИХ-ын гишүүн П.Сайнзориг, Ц.Сандаг-Очир нар Засгийн газрыг огцруулах бичгийг УИХ-ын дэд дарга Х.Булгантуяад өргөн барьсан. Энэ саналыг 3 хоногийн дотор хэлэлцэж эхлэн 10 хоногийн дотор шийдвэрлэх хуулийн хугацаатай. Энэ хугацаагаар өчигдөр буюу 10-р сарын 10-нд хэлэлцэж байна.

Тэгэхээр асуудал 10-р сарын 07-оос 10-р сарын 17-ны хооронд заавал нэг талдаа гарах хуулийн хугацаатай. Хэрэв Засгийн газар огцорвол шинэ Засгийн газрыг 30 хоногийн хугацаанд дахин эмхлэх учиртай.

Ингэхийн тулд МАН-ын бага хурлыг зарлан хуралдуулна. Гэтэл одоогийн МАН-ын албан ёсны дарга нь хууль эрх зүйн хувьд Л.Оюун-Эрдэнэ хэвээрээ байгаа. Тэрээр 9-р Бага хурлыг зарлан хуралдуулж, Ерөнхий сайдад нэр дэвшинэ.

Энэ нь МАН-ын дүрмэнд заасны дагуу МАН-ын даргыг Ерөнхий сайдад нэр дэвшүүлнэ гэсэн гээд зүтгэнэ. Мэдээж энэ нэр дэвшилт унах магадлалтай. Ингээд Монгол Улсын Үндсэн хуулийн 44-р зүйлийн 2 дахь хэсэгт заасны дагуу Ерөнхий сайдыг огцорсонд тооцсоноос хойш 30 хоногийн дотор УИХ шинэ Ерөнхий сайдыг томилоогүй бол УИХ-ын бүрэн эрх хугацаанаасаа өмнө дуусгавар болно.

Энэ үйл явдал 15 давхарын зураглалын хуанлийн дагуу 10-р сарын 13-ны Даваа гаригаас 11-р сарын 13 хүртэл үргэлжлэх буюу МАН-ын Их хурлаас 2 хоногийн өмнө байхаар тохируулсан.

Ингээд УИХ-ын тухай хуулийн 34.1, 34.3-т заасан шийдвэр гарснаас хойш Улсын Их Хурал 10 хоногийн дотор сонгуулийг товлон зарлаж, 60 хоногийн дотор сонгууль явуулна гэж заасан.

Тэгэхээр зураглалын хуанлийн дагуу 11-р сарын 15-аас 1-р сарын 15 хүртэл 60 хоног байна. Нэр дэвшилт ойролцоогоор 12-р сарын 10-аас явагдаж эхлэнэ. Энэ үед МАН-ын нэр дэвшилтийг албан ёсны дарга буюу Л.Оюунэрдэнэ бүх зургийг зурна.

Ингээд ахиад л түүний дохиураар хөдөлдөг Их хурал, Засгийн газартай болно гэсэн үг. Ингэж л тэр дахиад хамгийн ХААН болох нь.

Санаж сэрээчээ, гишүүд ээ! Иргэд жагсаж, арайхийн буулгасан "15 давхарын" атганд дахиад л орох зураг чинь ингээд зурагдчихсан явж байх өндөр магадлал байна шүү. УИХ-ын гишүүдийг сумлаж байгаад өөрсдөөр нь харикири хийлгэх нь, гэжээ.