С.Болорбайгал: BIPV технологийн 1 шилэн/120*160/ хавтан 1 кВат эрчим хүч үйлдвэрлэх боломжтой
“Тогтвортой хөгжлийн төлөө” сэтгүүлчдийн клубын сэтгүүлчид нарны эрчим хүчний 7-р үеийн технологи BIPV (Барилгад суурилуулсан нарны үүсгүүр) технологийн дэвшил, түүний ач холбогдол, хэрэглээний тухай ярилцаж, загвартай танилцлаа.
BIPV технологи нь фасад, дээвэр гэх зэргээр барилгийн материалыг мөн архитектурын элементийг эрчим хүчний эх үүсвэр болгон давхар ашиглах боломжтойгоороо онцлог технологи юм.
1 шилэн/120*160/ хавтан 1 кВат эрчим хүч үйлдвэрлэх боломжтой.
Өөрөөр хэлбэл, орон сууцны нэг айл 4кВатт орчим эрчим хүч хэрэглэдэг. Хувийн байшин, орон сууцтай айл түнүэээс 2 дахин их кВатт эрчим хүч хэрэглэдэг гэж тооцвол нэг айлд 10 орчим шилэн хавтан байхад өөрийнхөө эрчим хүчийг бие даан шийдэх боломжтой юм. Улмаар илүү гарсан эрчим хүчээ хуримтлууртаа хуримтлуулаад бусдад түгээх ч боломжтой аж.
Энэхүү BIPV хавтанг барилга, орон сууцны гадна фассад, дулаалгад ашиглах боломжтой бөгөөд 25 давхар орон сууцыг уг материалаар дулаалахад өдөртөө 2,5 мВатт эрчим хүч үйлдвэрлэх боломжтой юм байна.
Сэргээгдэх эрчим хүчний хэрэглээг нэмэгдүүлэх, нүүрстөрөгчийн хийг бууруулахад эрчим хүчний эх үүсвэр болгон ашиглаж цэвэр эрчим хүчээр цахилгааны хэрэглээгээ шийдэх сонирхолтой айл өрхүүдэд ногоон зээл олгох боломжийг ч BIB discovery компани бүрдүүлжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.