Баримт_хураангуй: Ерөнхийлөгч У.Хүрэлсүх, УИХ-ын дарга Д.Амарбаясгалан нар тохиролцоонд хүрсэн үү?

Бичлэг үзэх линк

МАН-ын даргын сунгаатай холбоотойгоор МАН-ын удирдлагуудын зодоон ил, далд өрнөж байсан ч өнөөдрөөс намжмал байдалд шилжжээ. Ил далд гэдгийг тэдний хэлсэн үг үйлдлэл, ярилцлага, хэвлэл мэдээллийн байгууллагуудын  мэдээ, мэдээллүүдээс харж болно.

Үйл явдлын дарааллын хувьд,

1рт, Өнгөрсөн лхагва гарагт МАН-ын Хэвлэл мэдээлэл хариуцсан НБД Ц.Чулуунзагдыг "нүүрсний" гэх хэргээр цагдан хорьсон. Энэ нь Ерөнхийлөгчийн зүгээс УИХ-ын дарга Амарбаясгаланд өгсөн сануулга байсан гэж олон нийт таамагласан.

2-рт, УИХ-ын дарга Д.Амбараясгалан баасан гарагт нь МАН-ын даргад нэр дэвшихээ зарласан нь Ерөнхийлөгч У.Хүрэлсүх буюу түүний талынхантай ана мана үзэхээ мэдэгдсэн хэрэг гэж улс төрийнхөн уншиж байсан.

3-рт, Өчигдөр/2025.09.15/ УИХ-ын намрын чуулган эхэлж, 3 сар чуулгандаа суугаагүй, ер нь монголдоо ч байгаагүй Ерөнхий сайд асан Л.Оюун-Эрдэнэ, түүний хамтрагч гэгдэх УИХ-ын гишүүн "Женко" Х.Баттулга нар чуулганы хуралдаанд ирсэн нь олон нийтийн дунд ихээхэн хүлэлэт үүсгээд байсан.

Өөрөөр хэлбэл, МАН доторх 3 дахь фракц ямар байр суурьтай байгааг олон нийт тандаж, хүлээсэн ч  тэд ямар нэгэн байр суурь огт илэрхийлээгүйн дээр бүр хэвлэлд ч бараагаа харуулаагүй.

Харин өнөөдрөөс МАН-ын улс төр намжмал байдалд шилжиж, тэд дээгүүрх зодоондоо цэг тавихаар шийдсэн бололтой.

Учир нь өнөөдөр ЕТГ-аас албан ёсоор мэдэгдэл хийх Хэвлэлийн хурал зарласан ч түүнийгээ цуцалсан. Үүнтэй зэрэгцээд УИХ-ын дарга Д.Амарбяаясгалан өөрийн албан ёсны хуудаснаа мэдэгдэл гаргасан.

Түүний хувьд,

[su_quote]“Яриагүйг ярьсан болгож, хэлээгүйг хэлсэн болгож, хийгээгүйг хийсэн болгож, бодоогүйг бодсон болгож, намын дотоод эв нэгдэл алдагдуулах гэсэн гуравдагч, дөрөвдөгч этгээдүүд ажлаа зогсооно уу” гэжээ.[/su_quote]

Харин дараахан нь ЕТГ-ын Хэвлэлийн төлөөлөгч Ө.Золбаяр мөн өөрийн цахим хуудаснаа УИХ-ын дарга Д.Амарбаясгалантай яг ижил агуулгаар буюу Монгол Улсын Ерөнхийлөгчийн зүгээс ч тэр УИХ-ын даргад хандаж тийм үг огт хэлээгүй гэдгийг хариуцлагатайгаар мэдэгдье.

Дашрамд дурдахад,

[su_quote]Гуравдагч, дөрөвдөгч этгээдүүд цахим орчинд мэдээллийг хөөсрүүлж, эв нэгдлийг алдагдуулах үйл ажиллагааг тасралтгүй зохион байгуулж байгааг анхаарна уу! Гэжээ.[/su_quote]

Эндээс харвал  УИХ-ын дарга Д.Амарбаясгалангийн хувьд ч, ЕТГ-ын зүгээс ч "гуравдагч, дөрөвдөгч этгээд" гэж хэнийг хэлэв гэдэг нь анхаарал татна. Магадгүй Ерөнхий сайд асан Л.Оюун-Эрдэнэ болон Женко Х.Баттулга нарыг уу?

Ямартай ч хамгийн тодорхой нь Ерөнхийлөгч У.Хүрэлсүх болон УИХ-ын дарга Д.Амарбаясгалан нар уулзаж, тохиролцсон нь тодорхой. Харин одоо МАН доторх гуравдагч хүчин болох Ерөнхйи сайд асан Л.Оюун-Эрдэнийн тал тэдний аль талтай нь тохиролцоонд хүрэх вэ гэдэг анхаарал татаж байна...