Монгол-Хятадын 5-р экспод монголын 350 гаруй ААН 700 гаруй төрлийн бүтээгдэхүүнээ сурталчилж байна

“Монгол-Хятадын V экспо” БНХАУ-ын Өвөр Монголын Өөртөө Засах Орон (ӨМӨЗО)-ы Хөх хотод 2025.08.25-ны өдөр нээлтээ хийлээ.

Энэ удаагийн экспод Монгол Улсаас 350 гаруй аж ахуйн нэгж ноос, ноолуур, арьс шир, гоо сайхан, бэлэг дурсгал, арьсан эдлэл, хүнс зэрэг 700 гаруй нэр төрлийн органик бараа бүтээгдэхүүнтэй оролцож байна.

Бичлэг үзэх линк:

[su_quote]Монгол Улсын үндэсний үйлдвэрлэгчид экспогийн үеэр бараа бүтээгдэхүүнээ БНХАУ-ын хэрэглэгчдэд таниулж, онцлог, давуу талаа сурталчилж байгаа юм. Монгол-Хятадын 4-р экспод оролцсон монголын ААН-үүд 3,5 тэрбум орчим төгрөгийн борлууллат хийж байжээ. [/su_quote]

Мөн Монгол Улсаас экспортод гаргахад олон улсын шаардллага стандартыг хангах экспортын өрсөлдөх чадвар, уламжлалт үйлдвэрлэлийн өв соёлыг харуулж,  үндэсний брэндийг олон улсад гаргах, бүтээгдэхүүний экспортыг нэмэгдүүлэх, харилцан туршлага солилцох, хөрөнгө оруулалтыг дэмжих арга хэмжээнүүд болж байна.

Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга Т.Жамбалцэрэн экспог нээж хэлсэн үгэндээ,

“Манай хоёр улсын хооронд дипломат харилцаа тогтоосны 75 жилийн, “Иж бүрэн стратегийн түншлэлийн харилцаа” тогтоосны 10 жилийн түүхэн, тэмдэглэлт ой өнгөрсөн онд тохиосон. Монгол, Хятадын уламжлалт найрсаг харилцаанд суурилан, хоёр орны харилцааг итгэлцэлтэй, өргөн хүрээтэй, тогтвортой, харилцан ашигтай хамтын ажиллагаагаар гүнзгийрүүлэхэд “Монгол-Хятадын экспо” арга хэмжээ үр дүнтэй чухал түншлэл болсоор ирсэн.

[su_quote]2024 онд Монгол Улс нийт 163 улстай гадаад худалдаа хийснээс, БНХАУ нь манай хамгийн том худалдааны түнш хэвээр байгаа бөгөөд хоёр улсын нийт худалдааны эргэлт 18.6 тэрбум ам. долларт хүрсэн нь худалдааны эргэлтийг 20 тэрбум ам. долларт хүргэх Төрийн тэргүүнүүдийн дэвшүүлсэн зорилтод ойртсоныг харуулж байна.  [/su_quote]

2015 онд анхдугаар экспог хоёр орны худалдаа, аж үйлдвэр, соёлын хамтын ажиллагааг өргөжүүлэх олон улсын түвшний үзэсгэлэн, форумын арга хэмжээний хүрээнд зохион байгуулж эхэлсэн бөгөөд дараа дараагийн экспо нь цар хүрээний хувьд өргөжин тэлж эрчим хүч, цахим эдийн засаг, уур амьсгалын өөрчлөлтийн асуудлууд болон “Бүс ба зам” санаачилгын хүрээнд бүс нутгийн, олон улсын хамтын ажиллагааг өргөжүүлэн хөгжүүлэхэд чиглэж байна. Хоёр жил тутам зохион байгууллагддаг “Монгол-Хятадын экспо” нь хоёр улсын төр, хувийн хэвшлийн төлөөлөгчдөд харилцан туршлага солилцох, шинэ хөрөнгө оруулалт, бизнесийн боломжийг эрэлхийлэх, инноваци, дэвшилтэт технологийг нутагшуулах, соёл, нийгэм, техник технологийн олон талт харилцааг хөгжүүлэх, бараа бүтээгдэхүүний борлуулалтын зах зээлийг тэлэх, хамтарсан үйлдвэр байгуулах,  гэрээ хэлэлцээр байгуулах өргөн боломжийг нээж байна.

[su_quote]Түүнчлэн бид энэхүү арга хэмжээг зөвхөн худалдаа, үзэсгэлэнгийн арга хэмжээ төдийгүй хөдөө аж ахуйн салбарын хамтарсан шинжлэх ухаан, технологи, инновацийн чуулган, хөрөнгө оруулалтын форумын чиглэлээр өргөжүүлэн зохион байгуулах, ногоон хөгжил, хөдөө аж ахуйн тогтвортой байдал, хүнсний аюулгүй байдал, уур амьсгалын өөрчлөлтийн эсрэг хамтын ажиллагаа зэрэг шинэ чиглэлээр өргөжүүлж, харилцан ашигтай, тэнцвэртэй байдлаар хөгжүүлэх нь чухал юм.[/su_quote]

Мал аж ахуй, газар тариалан, хүнс, хөнгөн үйлдвэрлэл болон дагалдах үйлчилгээний салбарын уялдаа холбоог бэхжүүлж, ханган нийлүүлэлтээс эхлээд үйлдвэрлэл, худалдааны сүлжээг цахим технологиор нэгтгэх зорилгоор салбарын бодлогын хүрээнд “Мал аж ахуй, үйлдвэрлэл, технологийн эко парк” цогцолборыг бүтээн байгуулахаар ажиллаж байна. Хөдөө аж ахуйн салбарт блокчэйн, хиймэл оюун ухаан зэрэг дэвшилтэт технологид тулгуурлан олон улсын хамтын ажиллагааны шинэ платформ бий болгох чиглэлээр цаашид энэхүү экспо арга хэмжээг өргөжүүлж, чухал түлхэц үзүүлнэ гэдэгт итгэж байна.

[su_quote]Монгол Улс, Бүгд Найрамдах Хятад Ард Улсын хоорондын худалдаа, эдийн засгийн хамтын ажиллагааг өргөжүүлж, шинэ түвшинд гаргахад эрхэм үйлдвэрлэгчид, бизнес эрхлэгчид, эрдэмтэн судлаачид, хөрөнгө оруулагчид Та бүхний оролцоо, хувь нэмэр хамгаас чухал гэдгийг онцлон тэмдэглэе” хэмээсэн юм.[/su_quote]