Ардчилсан намын даргад нэр дэвшигчдийн хэн нь хэн бэ?

Ардчилсан намын Үндэсний бодлогын хороо/ҮБХ/ 09-р сарын 28-нд хуралдах тов гарчээ. Хуралдаанаар намынхаа үндсэн дүрэм болон хөтөлбөр, намын дотоод зохион байгуулалтын асуудлыг хэлэлцэх аж.

[su_quote]Улмаар намын Их хурлаа 31-нд нь дахин зарлаж, Ардчилсан намын даргад нэр дэвшигчдээ тодруулах юм байна. Ардчилсан намын ҮБХ хуралдах сургаар намын даргад нэр дэвшигчдийн нэрс тодорч эхэлжээ. Одоогийн байдлаар УИХ-ын гишүүн О.Цогтгэрэл, Г.Ганбат, Б.Пүрэвдорж, О.Алтангэрэл, Ж.Баярмаа, Х.Тэмүүжин, Ч.Лодойсамбуу, Ц.Туваан нарын нэр яригдаж байна. [/su_quote]

УИХ-ын гишүүн О.Алтангэрэл, Ц.Туваан, Х.Тэмүүжин нар "Женко" Х.Баттулгын талын нэр дэвшигчид бол одоогийн намын дарга Лу.Гантөмөр УИХ-ын гишүүн Ч.Лодойсамбууг намын даргад нэр дэвшүүлэхээр ярьж буй аж.

Харин УИХ-ын гшиүүн Ж.Баярмаа эмэгтэйчүүдийн төлөөллөөс ганцаараа, Г.Ганбат аль нэг фракцид төдийлөн харьяалагддаггүй бол УИХ-ын гишүүн Б.Пүрэвдоржийг МАН-ын "халаас"-ны хүн гэж үздэг тул МАН талаас нэр дэвшүүлж байх магадлалтай.

Харин эднээс олон нийтийн болон жирийн гишүүдийн дэмжлэгийг хамгийн их авах магадлалтай нь УИХ-ын гишүүн Ж.Баярмаа, Ч.Лодойсамбуу нар.

Гэвч Ардчилсан намын дүрэмд намын дарга нь ҮБХ-ны гишүүнээр багадаа 4 жил ажилласан байх ёстой учир УИХ-ын гишүүн Ч.Лодойсамбуу намын даргад нэр дэвшгчийн шаардлага хангахгүй. Тиймээс Ж.Баярмаад магадлал нэмэгдэнэ гэсэн үг.

Гэхдээ нэр дэвшигчид намын гишүүдийн болон ҮБХ-д ихээхэн дэмжлэгтэйгээр гарч ирэх ёстой учир хэн нь ялалт байгуулахыг хэлэхэд эрт байна.