Үерийн 192 дуудлага, мэдээлэл бүртгэгдэж, 940 алба хаагч 143 техник хэрэгсэлтэйгээр ажиллажээ
[su_quote]Өчигдөр /2025.08.21/ нийслэлийн хэмжээнд гэр, хашаа, нийтийн эзэмшлийн зам талбай, орон сууцны хорооллын зоорийн давхар усанд автсан нийт 192 дуудлага мэдээлэл бүртгэгдэж, гамшгаас хамгаалах алба мэргэжлийн ангийн 940 алба хаагч 143 нэгж техник хэрэгсэлтэйгээр аюулгүй байдлыг ханган ажиллажээ.[/su_quote]
Усанд автсан 43 байршлын 90 дуудлага мэдээллийн дагуу УБЗАА, ГУББГ, УСУГ, ОСНААУГ, УБЦТС ТӨХК, НОБГ, дүүргүүдийн ЗДТГ-аас 39 мотопомп, 87 техник хэрэгсэлтэйгээр ажиллаж 8560 тонн усыг соруулан хэвийн байдалд оруулж, мэргэжлийн байгууллагууд заавар, зөвлөмж хүргэсэн.
Мөн 11 байршилд авто зам болон шүүрт худаг, ус зайлуулах шугам хоолойг цэвэрлэж, ус соруулж, 3.2 сая ам.метр талбайд ариутгал халдваргүйтгэлийг хийсэн. Борооны улмаас зам талбай, гуу жалгаар уулын ус бууж замын ус зайлуулах шугам сүлжээ бөглөх, ус зайлуулах шугам сүлжээг лаг шавраар дүүргэх зэрэг хүндрэлтэй нөхцөл байдлыг үүсгэсэн байсныг тус өдрийн 22:00 цагаас эхэлж нийт 43 байршилд үүссэн лаг хагшаасыг зөөвөрлөн зам талбайг чөлөөлж ажиллажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.