Д.Нямхүү: Франц иргэн биднийг үл тоож байсан ч одоо итгэж эхэлсэн

Коронавирусийн халдвар дэлхийн дийлэнх улс орнуудыг хамарч, халдварт өвчний байдал нэлээд ноцтой хэмжээнд хүрсэн учир Дэлхийн эрүүл мэндийн байгууллага/ДЭМБ/-аас ЦАР ТАХАЛ гэж зарлалаа. Өнөөдрийн байдлаар дэлхийн 117 улсад 118326 хүн халдвар авч, нийт 4292 хүн нас бараад байна. Улмаар ДЭМБ-аас эрсдэлт бүлэгт өндөр настан буюу 60-аас дээш насныхныг тооцож байсан бол өнөөдрөөс эхлээд 40-өөс дээш насныхныг эрсдэлт бүлэгт хамруулан тооцож байна. [su_quote]Шинээр Болив, Ямайка, Конго улсад коронавирусийн халдвар бүртгэгдлээ.[/su_quote] Харин манай улсын хувьд өнөөдрийн байдлаар нийт 149 хүнийг ажиглалтад авч тандалт, шинжилгээ хийгээд байгаагаа ХӨСҮТ-ийн дарга Д.Нямхүү онцоллоо. Түүнчлэн иргэдийн хамгийн их анхаарал татаж буй асуудал бол коронавирусийн халдвар тээгч франц иргэний ойрын хавьтлын 126 хүний шинжилгээний хариу. Тэгвэл тэдгээр хүмүүсээс халдвар илрээгүйг онцоллоо. Улмаар франц иргэнээс давтан шинжилгээ авсан бөгөөд түүний сэтгэл санаа тогтворгүй, дефресстэй байгаа ажээ. Монголыг зорьж ирээд халдвар авсан, францид өөрийг нь халдвар тараагч хэмээн ярьж байгаа зэрэгт ихээхэн санаа нь зовж буй гэнэ. Тиймээс манай эмчлэгч эмч нар монголчууд ойлгож байгаа, агаар дуслын замаар халддаг өвчин учир зөвхөн хувь хүнтэй холбоотой асуудал биш гэдгийг зөвлөжээ. [su_quote]Мөн франц иргэний хувьд анх тусгаарлалтад орж байх үедээ монгол эмч нарыг ихээхэн үл тоож байсан бол одоохүлээн зөвшөөрч, эмчилгээнд найдлага тавьж эхэлсэн байна. [/su_quote]