Боловсрол Кап-2022” спортын их наадам эхэллээ
УИХ-ын гишүүн Э.Бат-Амгалангийн ивээл дор “Боловсрол Кап-2022” Баянзүрх дүүргийн боловсролын салбарын багш, ажилтны спортын хоёрдугаар наадам эхэллээ.
Анхны тэмцээнд 20 багийн 1000 гаруй тамирчин оролцож байсан бол энэ удаад 43 багийн 2000 тамирчин оролцож байна. Баг тамирчид Сагсан бөмбөг, волейбол, шатар, ширээний теннис, үндэсний бөх, цацагт бүжгийн тэмцээн гэсэн спортын зургаан төрлөөр өрсөлдөнө.
Боловсролын салбарыг дэмжих, багш ажилчдын ур чадварыг дээшлүүлэх, хурд хүч авхаалж самбаагаа сорих нь спортын наадмын гол зорилго. Цар тахлын улмаас хоёр жил завсарлаад байсан бөгөөд дахин зохион байгуулж байгаад тэмцээнд оролцогчид талархалтай хандаж байлаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.