Сумдын түвшинд эрчимт эмчилгээ, яаралтай тусламжийг нэг шат ахиуллаа

НИЙГЭМ, ЭРҮҮЛ МЭНД 2022/09/09 14:43

Сумдын түвшинд эрчимт эмчилгээ, яаралтай тусламжийг нэг шат ахиуллаа

Хүүхдийг Ивээх Сан, АНУ-ын Олон улсын хөгжлийн агентлагийн санхүүжилтээр “Монгол Улсад КОВИД-19 цар тахлын эсрэг хариу арга хэмжээг сайжруулахад техникийн туслалцаа үзүүлэх, зорилтод нийцүүлэн тархварзүйн хяналтыг дэмжих нь” төслийг 2022 оны эхнээс хэрэгжүүлсэн.

DSC 8337 1024x683 — Энэхүү төсөл нь КОВИД-19 цар тахалтай тэмцэх, урьдчилан сэргийлэх, халдварыг бууруулахад дэмжлэг үзүүлэх зорилготой юм. Төслийн хүрээнд Монгол орон даяар “Анхан шатны эрүүл мэндийн тусламж үйлчилгээнд КОВИД-19 халдварын тохиолдлуудын эмнэлзүйн тусламж үйлчилгээг удирдахуй, Хүчилтөрөгч эмчилгээ” сургалтыг 2022 оны 6-9 дүгээр сард 21 аймгийн бүх сумаас 660 гаруй эмч, сувилагч нарыг хамруулан зохион байгууллаа.

DSC 8385 1024x683 — Монгол Улсын хэмжээнд анхан шатны эрүүл мэндийн байгууллагын түвшинд хүчилтөрөгч эмчилгээний чадавхийг үнэлэн 200 суманд хүчилтөрөгчийн баллон, дагалдах хэрэгслийг төсөл хэрэгжүүлэгч байгууллагуудын дэмжлэгтэйгээр сумын эрүүл мэндийн төвүүдэд гардуулж өглөө.
Сумын эрүүл мэндийн төвийн эрчимт эмчилгээ яаралтай тусламжийн чанар, хүртээмж, үйлчилгээг нэг шат ахиулж буй алхам энэ юм. Зарим сумын эрчимт эмчилгээ, яаралтай тусламжийн хэсгүүд иж бүрэн тоног төхөөрөмжтэй болж буй. Цаашид эмч нараа улам чадваржуулах сургалтыг тогтмол хийх, эрчимт эмчилгээнд шаардлагатай тоног төхөөрөмжөөр хангах тал дээр анхаарч ажиллах болно.

2 2 1024x683

DSC 8355 1024x683

DSC 8420 1024x683

DSC 84541 1024x683

Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Одоогоор сэтгэгдэл байхгүй байна. Та анхны сэтгэгдлийг бичээрэй.