Цэцэрлэгийн цахим бүртгэл маргааш/2022.08.24/-нд хаагдана

Төрийн өмчийн сургуулийн нэгдүгээр ангийн элсэлт баталгаажуулалт болон нийслэлийн цэцэрлэгт хамрагдах хүсэлтийг E-Mongolia системээр хүлээн авч байгаа.

2022-2023 оны хичээлийн жилд нийслэлийн цэцэрлэгт 150 мянга 735 хүүхэд хамрагдах ёстойгоос өнөөдрийн байдлаар 100 мянга 689 хүүхэд хүсэлтээ ирүүлсэн буюу 66.5%-д хүрчээ.

[su_quote]Улсын хэмжээнд нэгдүгээр ангид шинээр элсэн суралцах 78 мянга 98 хүүхэд байгаагаас 21% нь элсэлтээ цахимаар баталгаажуулж, 1.7% нь элсэлтээс татгалзсан байна.Quote[/su_quote]

Цэцэрлэгт хамрагдах хүсэлт наймдугаар сарын 24-ний өдрийн 17:00 цагт хаагдах бөгөөд 2022 оны наймдугаар сарын 25-26-ны хооронд цэцэрлэгийн хуваарилалт хийгдэнэ.

Харин 2022 оны наймдугаар сарын 26-наас есдүгээр сарын 9-н хүртэл бүртгэлийн баталгаажуулалт хийгдэх юм. Бүртгэлээс хоцорсон хүүхдүүд 2022 оны есдүгээр сарын 10-наас эхлэх хоёрдугаар ээлжийн бүртгэлд хамрагдах боломжтой юм. 

Монгол Улсын Засгийн газраас хүүхэд бүрийг цэцэрлэгт хамруулах зорилгын хүрээнд энэ жил цэцэрлэгийн насны хүүхдүүдийг наймдугаар сарын 10-24-ний хооронд, есдүгээр сарын 10-25-ны хооронд, аравдугаар сарын 3-24-ний хооронд зэргээр гурван ээлжээр бүртгэнэ.

Энэ жил ЕБС-ийн нэгдүгээр ангид элсэгчдийн бүртгэл наймдугаар сарын 25-ны 17:00 цаг хүртэл явагдана. Иймд эцэг эх, асран хамгаалагчид та бүхнийг цагийг нь тулгалгүй, “e-mongolia" системд бүртгүүлэхийг уриалж байна. “e-Mongolia"систем ачаалалгүй хэвийн ажиллаж байна хэмээн Цахим Хөгжил, Харилцаа Холбооны Яамнаас мэдээллээ.

ЦЭЦЭРЛЭГТ ХАМРАГДАХ ХҮСЭЛТ ИЛГЭЭХ ВИДЕО ЗААВАР: 

https://www.facebook.com/watch/?v=609030673936691

НЭГДҮГЭЭР АНГИД БҮРТГҮҮЛЭХ ВИДЕО ЗААВАР: 

https://www.facebook.com/watch/?v=1120790078790109